日本沉悶

人﹐是不斷會重複犯錯﹐有時還要一次比一次嚴重。

今個星期我又在百忙中只可以抽到時間看一齣戲的情況下﹐再次放棄了奇斯洛夫斯基的"遺作"情獄﹐再次放棄了上畫兩個星期仍有七成入座率的死亡筆記﹐選擇了日本沉悶。

對﹐沒有打錯﹐我應為這才是這套電影日本沉沒的真正名字。

比禍水更悶也罷﹐最大問題是看完之後有大量我唔明﹐包括﹕

點解咁大個日本﹐剩係得兩個人識駕駛潛艇﹖
點解咁大個日本﹐剩係得一架最新款潛艇﹖壞了﹐居然要用博物館展覽緊那架老爺潛艇來頂上﹐最神奇係仲要即刻用得﹗
點解全世界都肯馬上召集所有大型鑽探船幫手來埋N2導彈阻止日本沉沒﹐就係唔肯借一架小小深海潛艇和駕駛員比日本﹖

最唔明就係﹐女主角柴崎幸送到上門兼親自開口﹐話自己好鐘意幸妹的男主角草弓剪剛居然可以話唔食~~~住﹖剛哥話﹐要留番他日大家拯救完日本之後再加埋兩個人死唔去先﹗

點解。。。。。真係要數﹐重有排﹐暫且稍停。

唯一好看的﹐就是東寶電影和TBS電視台超過20億日圓製作的災難場面﹐那些特效和模型都叫做落足心機交足功課。只不過﹐那些災難場面我估夾埋佔全片的十分鐘都無﹐分分鐘幾套預告片加埋已經有齊﹐仲要係非常緊湊﹐起碼唔使你係戲院入面捱足兩個鐘﹗