一班痴孖筋的老細
星期六, 8月 05, 2006
最近公司班後生好多都走左, 班老細話想搞個留人計劃, 找出問題的根.
自問同班後生既都傾得下, 玩得埋, 平時都聽埋唔少八卦野. 作為部門其中一個管理階層, 當然有責任向老闆反映有什麼事情可以做到. 誰知班老細
- 以為下面班友仔有問題一定會同自己直屬既supervisor表達. 但我聽到既事實係佢地都對個老闆有很多批抨同怨言, 講乜鬼jeh. 積積埋埋最後就送一碟魷魚加少少豉椒俾你囉. 到時點留都冇用啦. 有一個女老闆大聲話自己一定冇問題, 呀邊個邊個有意見既話就一定會同佢講. 我當時好想窒佢 "呀邊個邊個同我講過你好q煩呀, 收聲啦". 其實呀邊個邊個當時都在場 , 仲係咁望住我. 好笑.
- 提議由人事部出手, 因為覺得佢地有經驗. 等佢地可以同每個人閒談, 找出問題所在. 我覺得係痴線既提議, 自己人都唔講, 何況外人. 兩個字 "晒氣"
- 唔會覺得自己既管理手法有問題. 我提議不如由班細既替每一個老細既表現評核一番, 至少可以知道係佢地心目中, 每一個老細有什麼問題. 點知呢...... 一提呢樣野, 一個二個就洒手擰頭. 個條掉轉腸粉既女老闆衰到話我鍾意做既話, 我自己一個做. 我之後同個班靚吹水個陣, 問下佢地意見, 佢地就好鬼贊同呢個做法. 哎....人始終唔敢面對事實同接受人地既批抨.....
個根咪就係你地囉, 一班痴孖筋老細, 仲搵乜鬼野.
Posted by圓碌大大力 at 9:31 下午
3 comments:
訂閱：
發佈留言 (Atom)
黐孖筋！
班友唔係唔知﹐係唔認。
如果唔係﹐你提議不如由班細既替每一個老細既表現評核一番時﹐佢地點會有咁既反應﹗
調轉腸粉！哈哈哈！