「基會難德」演唱會看後感
星期一, 9月 12, 2005
朋友有免費門票，更是頭十行內，這麼難得機會怎能錯過呢！
相信這幾年他們兩兄弟已找到了出路，縱然沒有大公司支持，沒有大量宣傳，沒有俊朗外表，整個紅館都座無虛席，似乎真正懂得欣賞音樂、對歌手仍有要求的聽眾還是不少。
胡亂地寫寫一些看後感，也有去的ｈａｌｌ友們請幫忙補充補充：
- 論歌藝，他們在香港肯定屬第一班
- 聽說舞台是孫燕姿留給他們用的。沒有大公司撐，這些好歌手想生存也委實不易，幸好他們可以”廢物利用”，也幸好舞台還可以
- 細佬聲音比較大，比較適合唱主音。有幾首歌細佬唱和音大佬唱主音，有點”妹仔大過主人婆”
- 大佬聲音真的很好，特別是高音部分，扮花旦唱子喉更是技驚四座，全場掌聲雷動
- 中段連唱數首８０年代樂隊的歌，很好feel！實在忍不住要跟著唱 ：）
- 作為基督徒，很高興亦很欣賞他們勇於將基督教音樂帶給普羅大眾，我想這是他們很獨特去事奉神的方法，亦羨慕他們有這些機會
- 開心見到劉美娟狀態很好，真的很難想像才七個月前，她經歷了多麼艱難的日子．．．細佬中後段唱了一首寫給死去兒子的歌「再見天藍」，他哭了，我也感動了．．．想想若沒有信仰及身邊朋友家人的支持，那段日子會怎過？願他們的經歷，不只讓他們對生命有更深體會，亦願他們的見證能使更多人得著祝福。「神你在掌管！時間萬有空間！在你的手裡一切定有時！」
- 坐附近的人都很呆，連唱快歌時打氣棒的人也不多，令我覺得自己不停搖動身體是很傻瓜的事．．．
- encore後其實有點悶，大概是選擇的歌太冷門，有點曲高和寡。而且很多人已陸續離開，繼續下去也沒有意思．．．聽說他們本來預算被紅館罰款的．．．
- 整晚除了劉美娟外，沒有一個嘉賓。我不是說要多看幾個歌聲才划算，但我想他們可以和嘉賓擦擦火花，令表演多點元素。早前記者會他們也說會有嘉賓，不知最後為何沒有
- 最後，聽完更覺要比心機學習唱和音。和得好，實在令原本已不錯的歌錦上添花 ：）
Posted by達達大師 at 5:09 下午
真是機會難得。
我與大力、杜溫夫婦(多謝杜溫贈券)坐在山頂(最早售完的也是這些平價票)，對正個電視，所以睇得好清楚！由開場至完場也在拍波波棒！異常投入！唔投入不如返屋企聽CD！感動位我也暗暗落淚！整體是滿意的！終於攪清楚劉美娟是誰人的老婆！好笑！
吓, d叔, 乜你有暗暗落淚呀? 我當時只係祈禱希望上主賜一份安祥既心, 等佢地勇敢面對呢件事.
達達, 乜你有郁架? 我同d叔仲諗緊你做乜咁鬼靜?
最後多謝杜溫夫婦既贈卷, 個位好正. 如果隔離個位女仕投入d, 會好d囉, 但佢剩係掛住食佢盒好腥既飯同坐係度睇電話...(悶樣)
肥仔契爺:
歌聲x
歌星.................歌星!
[笑]
契仔亞媽(我當係架啦下!):
唔係wor. 我真係講佢地把聲咋wor.
論歌星, 佢地真係唔係好"星"咋bor...
我係"蘇絲黃"~唔係關萳西~ 提到...
和音真係好難唱!!! 次次唱唔夠兩句就唱返主音....x2 =(
我成日覺得D人識唱和音先叫識唱歌...唉,但我天生有缺陷,唔識唱和音....:(
btw,細細個曾经有一排好鍾意劉美娟...都成二十年前既事咯.....
suzie said: 咁唱大戲０個ｄ，使唔使要埋佢地唱和音架？
哈哈,都好架,有創意吖!! ^0^
成日覺得D人識唱和音先叫識唱歌係對自己既要求者...咁worship team剩係識唱主音,好似差D mer咁...如果做得到,都希望可以做得好D嘛,事奉無止境吖嘛...^_^
榴槤姐& suzie姐: 10月17/18號有場敬拜讚美音樂會, 係敬拜者使團搞geh. 有冇興趣? :)
band果種呀. 可以去呢個網址睇睇:
www.theworshipers.com
orr... 咁榴槤姐suzie妹loh... :P
tt said: orr... 咁榴槤姐suzie妹loh... :P
喂喂喂,搞錯啊!!! >_<
有興趣,但要夾夾D時間...
suzie, theworshipers 幾好架,D歌同worship風格比較温和,唔會太吵,但尚算深入....
我係"蘇絲黃"~唔係關萳西~ said...
過兩日覆實得唔得？
得! 大力長長都會去. 應該去18號晚 :)
我幫你地買飛平$5蚊架! :p
榴槤whatever, 你盡快覆我啦!
達達,可唔可以話我知邊個去邊場呀?
榴槤whatever....好好笑
榴槤個英文名叫做WHATEVER........哈哈哈
達達大師 提到...
契仔亞媽(我當係架啦下!):
唔係wor. 我真係講佢地把聲咋wor.
論歌星, 佢地真係唔係好"星"咋bor...
5:53 上午
早知 ... ...