生日的回憶
星期二, 8月 30, 2005
本想回應西瓜兄台上面個post, 但越寫越長, 所以索性開條新thread.
首先多謝body round round既祝賀, 都替我媽媽講聲多謝你善意既問候 :) 講起生日, 好想寫一篇自己以前生日既一些感覺, 作為這間茶樓既其中一件點心 :)
細個時我既生日都係好平靜地渡過, 沒有多大的驚喜. 試過一次自己搞生日會 (冇錯, 係自己搞), 野食自己準備, 約左幾個朋友仔o黎屋企玩. (個陣家教比較嚴, 唔準朋友o黎屋企玩, 所以個次係一個突破). 個次覺得好開心, 因為屋企人肯破例俾我叫朋友返屋企玩. 由於生日同新學年開始太接近, 所以總覺得生日唔係一件開心既事.
去了外國讀書, 在宿舍識了一大班朋友仔. 十八歲既生日非常難忘, 因為個次有成差唔多百人係學校既飯堂同我慶祝生日. 個次真係好好好好開心, 未試過咁多人為我唱生日歌. 有d同學仔仲笑說個晚要扱我入洗衣機. (當時我好瘦, 一百磅都唔夠). 結果驚左成晚 :p. 而家諗起都幾好笑. 睇番d 相, 回想當晚既情景, 覺得時間真係過得好快. 相裏面d同學仔, 有d天各一方, 有d就音訊全無, 有d更加已經回到天父那裏. 而家一年可能見得一至兩次最好個d同學仔. 其他既可能一世都唔會再遇上. 每次同呢班好友見面時傾番以前宿舍既趣事時, 都非常懷念.
其實自己都不斷地轉變. 體重當然就穏步上揚, 自己既思想仍都隨時間而改變, 再已經不是以前那位過份單純既大大力了.
在工作n咁多年既生日, 已經沒有了讀書時(外國個陣)那份興奮. 呢個時候既生日, 回復了細個時那份孤寂. 有d更在工作上渡過. 最開心算是有一年, 一班下屬買了個生日蛋糕, 拎去我個位個陣. 有說不出的滋味. 呢班下屬好乖, 好聽話, 肯同你摶, 但無奈最後因公司問題離開左. 呢段時期既生日, 當然都有同朋友食下飯吹下水, 但始終覺得生日對自己係一個無謂的"節日", 只係提醒你又大一歲吧了.
今年唔知點解, 心態上有d轉變, 好想快d生日. 可能因為想快d去玩一日, 令自己開心一些.
但願以後既生日都係開心中同有意義地渡過. 感謝主係呢咁多年來一直照顧我, 無論我係咪遠離佢, 佢都係我身邊支持我, 鼓勵我. 望上主既恩寵賜與我身邊既朋友, 同事, 重有我既家人, 好能讓佢地領略上主偉大既慈愛. 亞孟.
Posted by圓碌大大力 at 2:30 上午
你會係咩點心？奶黃包？定.....
呀我知啦﹗你係鮑魚﹗澳大利亞出品﹗
我路過.... 早.
仲有, 你地個'地區時間' 好似未set.
大力，預早講句生日，但係blog post野都叫thread架咩？
冷冷的人 said...
仲有, 你地個'地區時間' 好似未set.
呢樣野差唔多得啦﹐唔使咁準確。
故事喵﹐好開工啦。
大款﹐亞“唔係穌絲黃”想玩就PM BLOG 個E貓比我啦。
步入中年就係咁架啦！！！大力∼∼！開始回顧往事！
Dark Knight 提到...
呢樣野差唔多得啦﹐唔使咁準確。
乜咁求其....
有用意o架！！！∼∼∼
d叔！！！！
o係度！！！∼∼∼
我係"蘇絲黃"~唔係關萳西~ said...
bty我細個唔知點解-------唔仲意生日
因為又老了∼∼∼！！！
我係"蘇絲黃"~唔係關萳西~ said...
可能我唔想"大"瓜
你想大"菜"? 定大x? :p
三籮pat 話: 步入中年就係咁架啦！！！大力∼∼！開始回顧往事！
我係中年, 咁你咪係老年囉....:p
說故事的貓: 大力，預早講句生日，但係blog post野都叫thread架咩？
慣左科林既術語呀! :p