我挑龍虎門
星期五, 9月 22, 2006
對港產片愛之深﹐卻不忍責之切﹐所以睇到垃圾時﹐多數吞聲算了﹐無謂再批評﹐因為年中真係無幾多套戲上畫。
買了龍虎門的DVD﹐睇完﹐真係忍無可忍﹐不吐不快。
最痛心的地方是﹐如果你係小本製作﹐所以粗製濫造﹐我會算﹐我會忍。
但係觀乎整套戲﹐絕對不是低成本的製作﹐但出來的效果﹐就係一套完完全全無可救藥的爛片。
龍虎門﹐香港黃金年代的回憶﹐雖然當年漫畫的劇情多為抄襲/取材其他武俠小說電視劇諸類成軍(如王小虎絕招降龍十八腿取自降龍十八掌﹐電視播楊門女將就寫五郎八卦棍)﹐但土炮製作有土炮風味﹐主筆雖多次易手﹐角色性格卻已經在不知不覺間形成﹐並根深蒂固﹐成為一代香港人的集體記憶。
反觀電影﹐有三十多年的漫畫作為故事底稿﹐居然可以拍到每一個角色都是如此空白﹑平面﹑無味﹑模糊﹐令觀眾對劇中所有人物相當抽離﹐他們的生與死﹐感覺完全無關痛癢。
文戲堆砌扮有情也罷﹐當中不合理的地方就叫人火滾。如火雲邪神打殘了龍虎門之後﹐龍虎三皇居然可以自出自入羅剎門報仇﹐而整個羅剎門好似除了火雲邪神之外﹐鬼影都唔多隻﹐真係話無錢拍定拍得求差其﹖唔知﹐總之睇完之後﹐大呼有無攪九兩菜﹗
整套戲的賣點﹐那些所謂武打場面﹐好睇咩﹖我覺得連結局那場在內﹐全都給人敷衍了事﹐草草完事的感覺。可想而知﹐整套戲剩下來的﹐我想不到還有甚麼好看﹗結局看到甄子丹攬著謝檸檬說﹕”我終於可以番去龍虎門”﹐理感好感人的地方﹐唔好意思﹐真係忍唔住頂了一聲﹐然後爆笑。
好想講句﹐大佬﹑大哥﹐而家有老闆比錢投資拍戲好困難﹐你們有幸找到﹐唔該就比多少少心機拍好少少啦﹗拜託﹗做下好心﹐唔好累人﹐唔好累同行﹐唔好累給後進啦。
如果你們不懂得拍武打片﹐煩請看看李安的『十年一覺電影夢』有關臥虎藏龍那部份罷﹗千萬唔好賴製作費不夠﹐又是李安﹐請看看台灣遠流出版的『推手一部影片的誕生』罷﹗以上兩本好書﹐如果你們不想花錢買﹐電影中心有得借﹐下次唔該再拍戲之前﹐請先借來參考參考。
Posted byDark Knight at 9:00 下午
算吧啦！將《龍虎門》拍成電影，點會好睇？
算吧啦！將《龍虎門》拍成電影，點會好睇？
講真﹐《龍虎門》拍成電影係可以好睇﹐睇下咩劇本同咩人拍。
好悶 ｚｚｚｚｚｚ
借黎睇下！！！係咪咁悶？！？！
你唔係去ｈｏｎｅｙｍｏｏｎ咩？邊得閒睇！！！
FAIR VIKING said...
黃玉郎也是不重視編劇的蠢材，從來只會抄金庸。
又唔好咁講﹐黃玉郎不是只會抄金庸﹐還懂得
。
。
。
。
。
抄下古龍
_AIR _ _KING, 緊係謝0檬做得悶啦啦啦 ......